MVA Pro Division playoff an khel dawn

Mizoram Volleyball Assocaition (MVA) hnuaia team ṭha Pro Division-ah team paruk an awm ṭhin a, tun dinhmunah hmunruak pahnih an awm - hmun ruak hnawh khat turin April 1, Thawhlehni aṭangin playoff an khel dawn a ni.

Pro Division club zingah Chhinga Veng Spikers leh Durtlang North te chu an awm chhunzawm thei lo, an hmun ruak hi playoff hmanga hnawh khah tur niin Hunthar, Electric Veng Anastasia leh Dinthar ten an inchuh ang.

Club pathum te hi Tuikual Indoor Stadium-ah an inkhel kual ang a, a ti ṭha pahnih chu Pro Division Club-ah an kaisang ang a, 2025 Pro Volleyball League an khel thei nghal dawn a ni.

Playoff khel tur club pathum hian 2024-25 season a an club player ziah luh ho angin an khel ang