Rashford-a'n goal a khung ta

Ni 120 chhung goal khung tawh lo Marcus Rashford chuan Aston Villa tan goal a khung a, Unai Emery hoten Preston 3-0 a hnehin semifinal an lut.

Pathianni zan khan Deepdale-ah Villa-in Preston an tlawh a, first half-ah goal an khung thei lo. Minute 58-naah Lucas Digne cross chu Rashford hian cool zetin a khung.

Goal khat luh hnuah Villa-in nuamsain an khel a, Morgan Rogers penalty hlawhchhuah chu Rashford-a'n minute 63-naah keeper bumin a khung. Premier League club an chungnung zel a, minute 71-naah Jacob Ramsey-a'n chak nemnghehna goal a khung.

Villa hian Rashford-a hlawh 75% velin an pe mek a, hetia a chet ṭhat chuan a hlawh 90% vel a npek theih dan a awm. Emery hote hi UCL leh FA Cup-ah champion beiseina an la nei ve ve a, chutihrualin Rashford hi Villa Park-ah cham zui ang em tih hriat a ni lo thung.