Chennai an chak lo zawn

IPL-ah MS Dhoni telna Chennai Super Kings-in Royal Challengers Bengaluru an hneh loh hnuin Pathianni zan khan Rajasthan Royals run rukin an hneh lo. Barsapara Stadium-ah Royals-in 182/9 runs an siam a, CSK-in 176/6 runs-in an chhanglet a, over tawp berah MS Dhoni-a a 'out'!

Royals tan Nitish Rana a che ṭha a, ball 36 lekah 81 runs a siam. Chennai tan Rachin Ravindra-a'n run a siam lo a, Dhoni pawh rawn lut hma hretin pasarihnaah rawn inlan mah se over tawp berah a ball vuak chu Shimron Hetmyer-a'n ṭha zetin a mansak. Mualneitu Rajasthan-in hnehna an chang hram.

Inkhel dangah Delhi Captitals (166/3) in Sunrisers Hyderabad (163) chu ball 24 dah bangin wicket sarihin an hneh a, Australian bowler Mitchell Starc-a'n wicket nga (35/5) lain player of the match-a thlan a ni. Zanin dar 7:30 hian Punjab Kings leh Lucknow Super Kings te an inhmachhawn ang.