Mumbai an chak nuamsa

Indian Premier League-ah Mumbai Indians chuan wicket riatin Kolkata Knight Riders an sawp. Wankhede Stadium-ah Mumbai-in vawm hmasak an thlang a, KKR-in 116 runs chauh siamin an thi vek. Mumbai-in over 12.5 lekah 121/2 runs siamin hnehna an chang a, ball 43 zet an dah bang.

Mumbai tan Ashwani Kumar a vawm ṭha a, wicket li laiin 24 runs chauh a pe. Batting lamah South African batter Ryan Rickleton-a'n ball 41-ah thi loin 62 runs siam a, nuamsa takin hnehna an chang. Hardik Pandya captain-na hnuaia khel Mumbai hi tun season-a an vawi khat chakna a ni.

Zanin dar 7:30 hian Royal Challengers Bengaluru leh Gujarat Titans te an inkhel dawn a, Virat Kohli khelhna Bengaluru hi match hnih khelhah an chak ve ve.