Everton-in pawisa hloh nasa

Premier League club Everton chuan season hmasa khan pound maktaduai 53 ngawt mai an hloh niin an sawi a, tun hnai season sarih chhung chu sum an hloh ziah a ni.

Tun hnai season sarih chhunga an sum hloh zawng zawng hi pound maktaduai 570 a tling hial a, season hmasa pawh khan Premier League profit and sustainability rules (PSR) an bawhchhiat avangin point riat ngawt mai paihsak an lo ni tawh bawk.

PSR dan leh hrai ang chuan, English football inelna sang bera club ten season thum chhungin pound maktaduai 105 aia tam an hloh a thiang lo, hetiang aia tam hloh zawnga an kal a nih chuan hrem theih an ni.

Everton hian insiamṭhat an tum mek a, 2025-26 season a lo thlen hunah chuan stadium thar an luah dawn, entu 52,888 an awm theih dawn avangin inkhel en man aṭanga an sum lakluh pawh a pung thei tura beisei a ni.