Kings lakah Pacers an chak

Point 16 zeta an hnufual hnuah Indiana Pacers an tho chhuak a, hun tawp dawnah an khingpui Sacramento Kings chu lehthalin 111-109 in hnehna an chang.

Nimin zing Indianapolis-a inkhelah Pacers tan hian Aaron Nesmith chuan point 24 a nei a, point 19 neitu Obi Toppin chuan thawh hlawk bawkin rebound ṭum sarih a la tel; an chak theih nan an thawh hlawk hle.

Hnehna changtu Pacers hi NBA regular season kal laiah vawi 44 an chak tawh a, ṭum 31 tawm tawh mah se Eastern Conference table-ah palina an ni mek; a thiam zual inelna playoff khel turin an dinhmun a ṭha.

Nimin zing inkhel dangah Boston Celtics chuan Memphis Grizzlies chu 117-103 in an hneh a, playoff khel tura an dinhmun a ṭhat hnuah pawh Celtics hian chawlhzai an rel chuang lo, tun hnaiah a zawnin vawi kua an chak ta a ni.