Wolves-ah Gomes a cham zel dawn

Premier League club Wolverhampton Wanderers midfielder Joao Gomes chuan Molineux-ah kum nga dang cham turin contract thar a ziak a, a ṭul dan a zirin kum khat dang pawhsei theih a ni ang.

Brazil international hian kum 2023 khan Flamengo aṭangin Wolves hi a zawm a, English club tan inelna hrang hrangah match 81 khel tawhin, goal sarih a khung bakah assist vawi thum a nei.

Tun season-ah Gomes hian match 32 khelin goal li a khung tawh a, assist vawi hnih a nei. Wolves hian Thawhlehni zan khan Premier League-ah West Ham chu 2-1 in an hneh a, Jorgen Strand Larsen chuan inkhela goal awmchhun hi a khung.

Wolves tan he inkhelah hian Gomes pawh a inlan a, relegation zone chu point 12-in an tlansan rih. Nizan khan anmahni hnaih bertu Ispwich Town chuan Bournemouth an lenchilh a, inkhel result a zirin an inthlauhna hi a danglam leh thei ang.