Mizoram U20 ten training an ṭan

Swami Vivekananda U20 Men’s National Football Championship 2025 chu May thla hian Narainpur, Chhattisgarh-ah neih a ni dawn a, Mizoram team chuan coach Lalrindika Hmar leh T. Lalthantluanga hoin training an ṭan tawh.

Mizoram hi group D-ah Jharkhand, Tripura, Maharashtra leh Himachal Pradesh te nen an awm ho a, probables squad-ah player 28 awmin inelna takah player 18 chauh an hruai thei dawn.

Inelna hnuhnung berah Mizoram hi semifinalist an ni a, tun ṭumah hian quarterfinal lut chin Delhi, Karnataka, Manipur, Mizoram, West Bengal, Telangana, Kerala leh Assam te chu seeded an ni.