Sabalenka a sang fal ta

Hmeichhe tennis thuneitu sang Women's Tennis Association (WTA) chuan world ranking thar a ti chhuak a, a chung berah Aryna Sabalenka a awm sang fal ta hle.

Belarus star Sabalenka hian point 10541 a hmu, mah hnaih bertu Iga Swiatek nan an inkarah point 3071 lai a awm. Grand Slam champion ten ranking point 2000 an hmu ṭhin, an inthlauhna a zau rih hle tihna a ni.

Tournament an khelh hnuhnung ber Miami Open-ah khan Sabalenka hi a champion a, nomawi a lak bakah ranking lamah a dinhmun hi a sawhnghet tihna a ni a, tun hma lama a phak loh ṭhin Swiatek chungah a awm rih dawn.

Clay court season an hmang dawn ṭan a, world number 2 Swiatek inkhelh thiamna hmun a ni. Grand Slam vawi nga champion tawh hian nikum chawhnu lam aṭang khan ngai a la awh leh lo, atan insiamṭhat theihna hun tur a ni ang.

May thla laihawl aṭangin clay court inelna lian ber French Open an khel dawn, chumi hma chuan inelna tenau zawk an hmachhawn leh dawn a ni.