Punjab Kings an la chak ve ve

Indian Premier League-ah Punjab Kings-in Lucknow Super Giants wicket riatin an hneh a, tun season match hnih an khelh tawhah an la chak ve ve.

Punjab hian vawm hmasak an thlang a, Super Giants-in bat hmasain Nicholas Pooran (44) leh Ayush Badoni (41) te hmangin 171/7 runs an siam a, target sang tak an chhawp thei lo.

Kings-in an target 172 an tlin theih nan Prabhsimran Singh-a'n ball 34 aṭangin 69 runs a siam a, captain Shreyas Iyer-a'n thi loin ball 30 aṭangin 52 runs a siam bawk. Iyer-a hote hian over 16.2-ah 177/2 runs siamin hnehna an chang a, ball 22 an dah bang.

Zanin dar 7:30 hian Kolkata Knight Riders-in Sunrisers Hyderabad an mikhual dawn. Tun season IPL-ah Royal Challengers Bengaluru, Punjab Kings leh Delhi Capitals te chu match hnih khelha chak ve ve thei an ni.