Odriozola-a'n Bayern a zawm

Bayern Munich chuan Real Madrid aṭangin loan hmangin Alvaro Odriozola an lalut. Spanish right back hian Los Blancos tana match 28 inlan theihah vawi 18 chiah a khelh avangin khelhna hun tam zawk neih tumin German club hi a zawm.

Kum 24 mi defender Odriozola hian kum 10 mi a nihin Real Sociedad a zawm a, kum 2018 khan euro maktaduai 30-in Real Madrid a zawm. Bayern sporting director Hasan Salihamidzic chuan, "Team a tih ṭhat ngei kan beisei a, full back ṭha tak kan hmu thei hi kan lawm," tiin a sawi.

German chanchinbu Bild-in a tarlan danin Bayern leh Real Madrid inremnaah German club tan Odriozola lei theihna a awm lo a, Allianz Arena-a thla ruk a hman zawhah Santiago Bernabeu-ah a kir leh dawn tihna 

a ni ang.