Kan kutah ni loin Pathian kutah a awm - Sporting director

Aizawl FC-in I League an khelh theihna atana thluak bur leh India ram champion an nih theih nan Hmingthansanga a thawh hlawk a, ani hian tun season-ah Sporting Director hna a chelh.

AFC sporting director Hmingthana chuan, "Aizawl FC-a ka awm chhungin match pawimawh tak tak kan khel a, hun harsa leh hlimna vawi tam tak ka lo tawng ve tawh ṭhin. Tun season I League-a kan match hnuhnung ber hi chung match pawimawh bikte zinga mi chu a ni ngei dawn.

"Team ṭha leh physical-a keini aia chungnung Punjabi club Namdhari kan khel dawn. A awlsam dawn lo tih hre mah ila Pathian nen chuan tihtheih loh a awm lo tih hi ka football zinkawng ah hian ka chiang ve thawkhatin ka hria.

"Kan kutah a awm tia kan sawi leh hun kan neih lai khan kan bawhpelh ṭhin. Chuvangin kan kuta awm ni loin hnehna hi Pathian kutah a awm a ni. Mizo mipui a hmuna min ṭawiawmtute tha chakna nen Pathian zarah hnehna kan chan ngei ka beisei, mipuite pawh min ṭawiawm turin ka sawm tak meuh meuh bawk a ni e," tiin Vanglaini a hrilh.