Gabriel-a tan season a tawp

Arsenal defender rinrawl Gabriel chu a malpui hliam zai a ngai dawn a, tun season chhungin a inkhel thei dawn tawh lo - Mikel Arteta leh a naute tan chuan chanchin hriat nuam lo tak a ni ang.

Brazil international Gabriel hi Gunners leh Fulham ten Premier League an khelh ṭumin a inhliam, thlak zui nghal a ni. A hliam hi endik a nih hnuah zai a ngai dawn tih hriat a ni a, hun rei tak a chawlh a ngai dawn ta a ni.

Kum 27 mi Gabriel hi Arsenal player pawimawh berte zinga mi a ni a, tun season league match 30 an khelh tawh zinga 28 zetah a bul ṭantu a ni vek, North London club-in league goal 25 chauh an chhuah chhanah mawh a phur lian hle.

Arsenal chuan thuchhuah siamin, "Gabi chu zai a ngai dawn a, season thar atan a dam leh hman ngei theih nan enkawl chhunzawm a ni ang," an ti a, tun season kal laiah EPL player 119 zet chuan malpui hliam hi an tuar tawh.

Season hmasa khan EPL player 163 ten malpui hliam an tuar a, kum nga chhunga malpui hliam an tam ber ṭum a ni hial - kuminah pawh round tinin plauer panga zelin malpui hliam an tuar anga chawlrual phak a ni hial.

EPL nomawi beiseina la neitu Arsenal hian vawiin tlai dar 5:00 hian Everton an lenchilh dawn a, beiseina an neih lai chhinung turin point hloh a thiang tawh lo, an ngaih pawimawh zawk tur erawh Champions League a ni ang.

April 8, Thawhlehni zanah UCL quarterfinal khel turin Real Madrid an mikhual dawn a, an defender pawimawh Gabriel a awm loh avangin William Saliba chungah mawhphurhna a sang zual dawn a ni.