Juve leh Igor Tudor tan fiahna

Igor Tudor-a'n Juventus a enkawlna match hmasa berah hnehna an chang a, tunah chuan fiahna hmasa an hmachhawn ang - Pathianni zan dar 12:15 hian AS Roma an lenchilh dawn a ni.

Old Lady hian beisei an phak loh avangin coach Thiago Motta an ban a, coach thar kaihhruaina hnuaiah chawlhkar hnih chhung training an nei tawh a, an duh ang thlapa insiamrem tur erawh chuan hun chu an la mamawh hret ang.

Tun season atana Juventus tih theih sang chu season thara Champions League khel phak tura tlin a ni, anmahni ang bawkin Roma pawhin UCL khelh chu an duhthusam a ni ve tho a, point mamawh pahnih an nih avangin inkhel a hmuhnawm dawn.

Juve manager Igor Tudor chuan, "Training kan nei ṭha hle a, inbuatsaihna a ṭhat chuan khelmualah a rah chhuah kan hmu ngei ang tih pawh ka beisei. Kan match hmasa zawka kan tih dik tawk loh laite kha kan siamṭhat theih ka ring.

"Hmasawnna hi vawi leh khata thleng hluai thei a ni lo a, zawimuangin kan che chhon zel ang. Juventus tih a nih tawh chuan kan lakah beiseina an nei sang ṭhin," a ti a, a naute lakah beisei a nei sang tih a sawi bawk.