Emre Can dinhmun a chiang lo

Borussia Dortmund chuan zanin dar 7:00 hian league match khel turin SC Freiburg an lenchilh dawn a, hetihlai hian coach Niko Kovac chuan club captain Emre Can dinhmun a chian loh thu a sawi.

Kovac chuan, "Niklas Sule leh Emre Can ten training an la zawm thei lo a, an dinhmun a chiang lo," a ti a, zaninah chuan an inlan loh hmel zawk - Nilaini zanah Champions League match khel turin Barcelona an lenchilh zui dawn a, he inkhelah erawh an dam hman hram an beisei ang.

Hetihlai hian Kovac chuan hliam vanga kar khat chuang chawl tawh, striker pawimawh Serhou Guirassy chuan dam lam a pan thu a sawi a, midfielder Felix Nmecha a dam tawh bawk.

Khup hliam vangin Marcel Sabitzer a la chawl mek a, hetihlai hian hrem vangin Nico Schlotterbeck leh Yan Couto an inlan thei dawn lo bawk - Barca hmachhawn tura inkhekna ṭha tak a ni ang.

Dortmund hian Bundesliga-ah beisei an phak lo. Table-ah 10-na dinhmun an luah mek a, Bayern Munich chuan table chung ber an luah mek.