MBA-in AGM an nei

Mizoram badminton khawvela thuneitu sang ber, Mizoram Badminton Association chuan April 4, Zirtawpni khan Annual General Meeting cum General Election an nei a, 2025-2026 atana MBA calender tur an duang nghal.

MBA chuan transfer hun chu April 5-30, 2025 chhung an hawng a, MBA Official Championship Senior & Junior te chu July 2025-ah neih tur niin, MBA Senior ranking, MBA Junior ranking, MBA Masters Championship leh CYMA Badminton Tournament te pawh hmachhawp zingah a tel.

Mizoram badminton rorelna sang chuan MBA Masters/Veteran Championship chu ranking hmanga neih tawh loh turin an rel a, MBA Inter Club Championship pawh open-a neih tawh tur a ni ang.

AGM neih a nih rual hian 2025-2028 chhunga Mizoram Badminton Association hruaitu turte thlan nghal a ni a ni a, President atan Dr. Lallianzuala Hnamte chu thlan niin, Secretary General-ah Dr. K. Vanlaldinpuia thlan a ni bawk.