Muller a chhuak dawn

Bayern Munich chuan season tawpa Thomas Muller chhuah tur thu an tichiang. Muller hian kum 25 chhungin club tan match 743 a khel a, nomawi 20 a chawi. Bavarians hian Muller-a season hnuhnung berah Bundesliga nomawi chawi turin kawng dik an zawh zel a, Inrinni zan khan Augsburg 3-1 in an hneh.

WWK Arena-ah hian Jamal Musiala leh Harry Kane ten goal an khung bakah Augsburg defender Chrislain Matsima-a'n an lamah a tilut. Muller pawh bench aṭangin minute 54-naah a lut. Chutihrualin Bayer Leverkusen-in nomawi chan mai an tum lo a, Heidenheim 1-0 in an hneh thung. Xabi Alonso hote hian point 62 hmuin Bayern hi point rukin an pha lo.