Sheffield United-in staff-te chawlh pe
Premier League club Sheffield United chuan an club hnuaia a nghet loa hnathawk leh a ngheta thawk tlemte zinga mi te chu chawlh an pek thu an sawi a, an chawlh chhung hian hlawh erawh a pangngai renga an pek tur thu an sawi.
Sheffield chuan thuchhuah siamin, "Sheffield United Football Club chuan thutlukna hi hnathawkte hnenah a hriattir tawh a, hlawh erawh dan pangngaiin 100% in pek an ni ang.
Blades hian sorkar job retention scheme, hnathawkte hlawh 80% tumsak theihna dan chu an hman rih loh tur thu an sawi a, mahse club sum dinhmun chiang zawka an hriat theih hunah ngaihdan erawh thlak theih a nih thu an sawi thung.
Premier League club hian an hnuaia hnathawk, chawlh an pektu chu NHS volunteering scheme emaw midang ṭanpuitu pawla inhmang turin thurawn an pe bawk.