Ice hockey player Colby Cave a thi
National Hockey League club Edmonton Oilers forward Colby Cave chu kum 25 mi lek niin a thi a, a thih chhan hi thluaka thisen tling a ni - ni li liam ta khan zai mah se a dam chhuak zo ta lo a ni.
Colby-a chhungte chuan an fapa thih thu hi puangin, "Hrehawm ti tak chungin Colby Cave kan chan thu kan sawi a ngai a ni. He hun harsa taka min ṭawngṭaipuitute zawng zawng chungah lawmthu kan sawi takzet a ni," an ti.
NHL-a season li a khelh chhungin Colby Cave hian Oilers, Boston Bruins leh Canadian Cave tan a khel hman a, match 67-a inlanah vawi li goal khungin assist vawi nga a nei.
Colby-a nupui Emily chuan Ningani khan a pasal chu Covid-19 hri leng vangin damdawi inah an tlawh theih loh thu a lo sawi tawh a ni.