NECDC Achievers' Nite neih a ni

North East state te cricket-a inzawm khawmna North East Cricket Development Council hruaitute rorel ṭum 10-na (10th NECDC Conclave) chu April 6, Pathianni khan Gangtok, Sikkim-ah neih a ni a, hetah hian North East state-te hmasawn dan tur thil pawimawh tak tak rel a ni.

NECDC Conclave rual hian North East state player BCCI tournament-a cheṭha te pual lawmman semna (4th NECDC Achievers Nite) neih a ni bawk.

Cricket Association of Mizoram (CAM) aṭangin pawhin lawmman dawng an awm nual a, hemi rual tho hian 2nd NECDC Senior Women Tournament kuhhawnna neih nghal niin NECDC member parukten April 7-12 chhungin an khel ang.