Gujarat Titans vawi thum an chak ta

Indian Premier League-ah Gujarat Titans chuan Pathianni khan Sunrisers Hyderabad chu wicket sarihin an hneh. Sunrisers hian bat hmasain 152/8 runs an siam a, over 16.4 lekah Tinas hian 153/3 runs siamin hnehna an chang.

Rajiv Gandhi International Stadium, Hyderabad-ah Titans bowler Mohammed Siraj a khel ṭha a, 17 runs chauh pein wicket li a la. Sunrisers tan che ṭha fal an awm lo a, target ṭha an chhawp thei lo.

Titans tana hna awlsamna turin captain Shubman Gill-a'n thi loin ball 43-ah 61 runs a siam a, Jos Buttler-a'n run khatmah siam lo mah se hnehna chang turin harsatna an tawk lo. Gujarat hian match liah vawi thum an chak a, pahnihnaah an awm mek.

Vawin tlai dar 3:30 hian Kolkata Knight Riders leh Lucknow Super Giants te an inkhel ang a, zanin dar 7:30-ah Punjab Kings leh Chennai Super Kings te an inkhel bawk ang.