ISL Ṭan dawn

Indian Super League chu zaninah khelh ṭan a ni dawn. Indira Gandhi Athletic Stadium, Guwahati-ah season 3 match hmasa ber hi NorthEast United leh Kerala Blasters ten an khel ang a, Star Sports-ah en theih a ni ang. Dar 6:00 aṭangin opening ceremony ṭan niin dar 7:00-ah inkhel ṭan a ni dawn thung. Highlanders-ah hian Mizo rawlthar Lallianzuala Chhangte, Jerry Mawihmingthanga leh Lalrempuia Fanai te an tel a, Blasters lamah Mizo khel an awm lo thung. Pathianni zan dar 7:00 hian Jeje Lalpekhlua leh Daniel Lalhlimpuia khelhna Chennaiyin FC chuan Atletico de Kolkata an lenchilh bawk ang. ATK-ah hian Robert Lalthlamuana leh Lalrindika Ralte an khel thung.