Ibra goal-in United chhan

Europa League-ah Manchester United-in Ukrainian club tenau Zorya Luhansk chu minute 69-naa Zlatan Ibrahimovic goal hmangin an hneh hram.

Jose Mourinho hoten an match hmasa bera an hneh loh Feyenoord erawh Fenerbahce-in an hneh ve thung a, Turkish club tana goal awmchhun hi Emmanuel Emenike khung a ni.

Portuguese manager Jose Mourin-ho chuan, "A zawna vawi thum chak loh vangin ka ngui (depression) phah lo a, tuna a zawna vawi thum kan chak leh tak avang hian uchuak takin ka hlim phah lo. Tuna kan tana pawimawh ber chu Pathiannia Stoke City nena kan inkhel tur hi a ni," tiin thiam takin vawi thum an chak tih media kaltlangin khawvel a hrilh.

Ibrahimovic-a goal hi substitute Wayne Rooney siam sak a ni a, United captain hian a thiam vang ni loin a pet sual vanga siam sak a ni.

Stoke City chungchang sawi belhin Mourinho chuan, "Stoke hi table-a an awmna (19-na) ang hi an ni lo, coach ṭha tak bakah player ṭha tak an nei. Table-a an awm dan thlilr loin an theihna ka en zawk ang," tiin chak lo thei an ni tih a inhrechiang hle.

United hian Premier League-a an elpui Manchester City an hneh loh hnuah Watford lakah an chak lo leh a, Stoke an hneh loh leh chuan a zawna vawi thum nan league-ah an chak lo ang.

Result dang

Premier League club Southamp-ton-in khualmualah Israeli club Hapoel Be'er Sheva lakah goal khung thei loin an inhnehtawk a, Czech Republic club Sparta Prague-in an mualah Inter Milan 3-1 in an hneh thung. Serie A club Inter hian point an la hmu lo.

Italian forward Mario Balotelli-a'n a club thar Nice tan goal khung zel mah se French club hi Russian club Krasnodar lakah 5-2 in an mualpho. Ligue 1 club hian Europa League-ah point an la hmu lo.

Nizan Inkhel Results

Group A

(4) Fenerbahce 1 - 0 Feyenoord (3)

(1) Manchester United 1 - 0 Zorya (1)

Group B

(1) Astana 0 - 0 Young Boys (1)

(3) Olympiakos Piraeus 0 - 1 APOEL (6)

Group C

(0) Qabala 2 - 3 Mainz 05 (4)

(2) Saint-Etienne 1 - 1 Anderlecht (4)

Group D

(6) Zenit 5 - 0 AZ (1)

(4) Dundalk 1 - 0 Maccabi Tel Aviv (0)

Group E

(4) Austria Wien 0 - 0 Viktoria Plzen (2)

(4) Roma 4 - 0 Astra (0)

Group F

(3) Athletic Bilbao 1 - 0 Rapid Wien (3)

(3) Genk 3 - 1 Sassuolo (3)

Group G

(6) Ajax 1 - 0 Standard Liege (1)

(4) Celta de Vigo 2 - 0 Panathinaikos (0)

Group H

(4) Gent 2 - 0 Konyaspor (6)

(6) Shakhtar Donetsk 2 - 0 Sporting Braga (1)

Group I

(6) Schalke 04 3 - 1 Salzburg (0)

(6) Krasnodar 5 - 2 Nice (0)

Group J

(4) Fiorentina 5 - 1 Qarabag (1)

(1) Slovan Liberec 1 - 2 PAOK (4)

Group K

(3) Sparta Praha 3 - 1 Internazionale (0)

(4) Hapoel Be'er Sheva 0 - 0 Southampton (4)

Group L

(3) Zürich 2 - 1 Osmanlispor (3)

(1) Steaua Bucharest 1 - 1 Villarreal (4)

* Bracket chhunga mi hi an point hmuh tawh zat a ni