A naute khelh dan vangin Allegri a phur

Juventus manager Massimiliano Allegri chuan season hmasa lama an boruak ṭha ang kha an neih let mek thu a sawi a, an hun tawn avangin Italian manager a phur hle.

Serie A champion Juve hi Champions League group match hmasa zawkah Sevilla nen goal awm loin inhnehtawk mah se an match hnihnaah erawh Miralem Pjanic, Paulo Dybala, Gonzalo Higuain leh Dani Alves te goal khung hmangin Croatian club Dinamo Zagreb 4-0 in an sawp.

Juve hian Pathianni tlai dar 4:00-ah league match khel turin Empoli an lenchilh dawn a, Serie A table-a pahnihna Napoli nen an inthlauhna point khat chiah a nih avangin chetsual a thiang lo.

Kum 49-a upa Allegri chua, "European Championship khelh kum a nih avangin player ṭhenkhatin club training an zawm har deuh a, hei vang hian season bul ṭan kha a harsa hle. Tunah chuan kan insiam
ṭha mek tawh a, kan match hnuhnung berah khan kan player thar ten goal an khungin hnehna min chanpui thei," a ti. Zagreb an hneh ṭuma goal khungtu Higuain, Pjanic leh Alves te hi tun nipui transfer laia Turin-a an seng luh thar vek an ni.