Season duhawm beiseitu Torres

Atletico Madrid-in season tharah an sta-dium hman lai Vicente Cal-deron chhuahsanin stadium thar an luahlut dawn a, Atletico 'fapa rangkachak' tia an sawi ṭhin Fernando Torres chuan season duhawm tak nen an stadium mangṭha a duh thu a sawi chhuak.

Spanish club-a a ca-reer ṭantu striker chuan, "Nau-pangte ka nih lai a-
ṭang-in he stadium-ah hian ka kal ṭhin a, he hmun hi ka seilenna a nih avangin sulhnu hriatreng tawh tur tam tak a awm a ni. Kan tan chuan tun season hi season danglam bik a ni a, he club history-a sulhnu ropui ber hnutchhiahna remchangah kan hman ka duh a ni," tiin nomawi nen Vicente Calderon mangṭha a duh.

Atletico Madrid hian Champions League-ah an mikhual Bayern Munich chu 1-0 in an hneh a, an phur vanglai takin Valencia khelmualah league match khel turin Pathianni tlai dar 3:30 hian an lenglut dawn. Coach thar an ban hnua an match hmasa bera chak Valencia tan Diego Simeone-a naute lo mikhual hi thil chakawm a ni lo ang.