Zidane-a'n thawh leh a tiam

Real Madrid-in match thum chhung chak hmel hmu zo loin an khingpui an inhnehtawkpui tawh a, coach Zinedine Zidane chuan tun hnai an result vanga hnual thei an nih loh thu a sawi.

French manager chuan, "Hei hi football chu a ni a, dinhmun duhawm lo takah kan ding mek a ni. Mahse, vawiinah hian beiseina kan la nei reng a, rim taka thawh chhunzawm zelin kan tho leh em em ang," tiin chak result an neih leh thuai a beisei.

Zidane chuan goal khung an mamawh thu sawi chhunzawmin, "Chak result nei tura kan mamawh chu goal a ni mai a, goal khung satliah mai niloin goal tam tak khung zel a ngai. Goal khat lek leka hmahruai pawi zia chu a hretu kan ni," tiin a naute chu goal khung uar lehzual turin a fuih.

Real Madrid hian match thum chhung chu a zawnin Villarreal, Las Palmas leh Borussia Dortmund an inhnehtawkpui tawh a, Pathianni zan dar 7:45 hian league match khel turin Eibar an mikhual leh ang.