A laiah Sanchez a ṭha - Arsene Wenger

Arsenal manager Arsene Wenger chuan Alexis San-chez chu tlarhma laia khel tura a ṭhat tawk thu leh a rintawk thu a sawi. Gunners hian Olivier Giroud leh Lucas Perez te nei mah se tun season-ah Wenger-a'n Sanchez chu tlarhma laiah a chhawr nasa a, Chile international hian a pu beiseina a ti thlawn lo.

Kum 27-a upa Sanchez hian Ar-senal tana a match hmasa 100 aṭangin goal 47 a khung thei a, North London club tana an match hmasa 100 aṭang chhutin striker ropui chawl tawh Thierry Henry (48) a tluk lohna chu goal khat chiah a ni. Nilaini zan Champions League-a Basel 2-0 a an hneh ṭum khan goal khung lo mah se Theo Walcott-a pet goal tur pahnih kha a siamsak.

Gunners manager Wenger chuan, "Match tin mai hian a hma-sawnna hmuh tur a awm ziah a, amaha theihna sang tak awm phochhuak tur hian a rilru a huaisen tawk bawk," tiin a forward duhlai a fak.

Wenger chuan sawi chhun--zawmin, "Tunah hian kan khelh duhdan bik ang khan kan khel chhuak leh mek a, chhawm nun zel atan a duhawm hle," tiin a sawi.