Sam Allardyce a buai zual zel

Football Association chief exe-cutive Martin Glenn chuan eiruk thubuai vanga England ma-nager a nihna aṭanga chawl ta Sam Allardyce chu football kaihhnawiha inhnamhnawih thei lo tura hrem hial an rilruk thu a sawi.

The Daily Telegraph news reporter pakhat chu sumdawng hausa lemah changin Big Sam hi sum hmanga thlemin player transfer siksawi dan chungchangah a dawr a, Sunderland boss hian £400,000 dawnga puih a lo tiam avangin a hna aṭangin a chawl ta a ni.

Glenn chuan, "The Daily Te-le--graph aṭangin report kimchang kan ngaichang mek a, Sam hi pawisa chawitir aṭanga football-a inhnamhnawih thei lo tura hrem theih a ni. Thutlukna hi keimah chauhin ka siam tur a ni lo a, lehkha pawimawh leh a finfiah theihna te kan thlir hunah thutlukna kan siam ang," a ti.

FA chief executive chuan football chungchang ringawt ngaihtuah chuan Sam kaltir chu thutlukna harsa tak a nih thu a sawi lang bawk.