PSG chakna Cavani

Edinson Cavani goal hnih khung hmangin Paris St-Germain chuan Bordeaux 2-0 in an hneh a, French Ligue 1 nomawi an kawl lai hloh mai an tum lo tih an lantir.

Zirtawpni zan in-khelah winger Angel di Maria cross chu minute thumna lekah Cavani hian khungin minute 30-naah an goal hnihna a khung bawk. Uruguay striker hian Ludogorets an hneh ṭumin goal hnih a khung tawh bawk - a club tan inelna hrang hranga a match hnuhnung pariatah goal kua a khung ta.

League match riat khelh aṭangin PSG hian point 16 an hmu ta a, khelh zat inangah AS Monaco (19) leh an mahni aia match khata khel tlem mek Nice (17) te an phak lo mek.