Liverpool an tlo

Jurgen Klopp-a'n Swansea laka chhuanlam siam a tum loh thu a sawi hnu lawkah Welsh club hi hun tawp dawna James Milner-a penalty hmangin 2-1 in an hneh hram a, Liverpool-in Premier League nomawi an beisei ngam tih an pholang nawn.

Mualneitu team tan Leroy Fer chuan ṭan a-
ṭanga minute 8 lekah goal hma--hruai khung mah se Reds hian seconf half-ah Roberto Firmino hmangin an chhanglet a, Brazilian forward hian hun tawp nan minute ruk chiah a awm tawh tihah penalty hlawh chhuak bawkin Milner-a'n tun season-a a vawi li nan pe-nalty aṭangin a chhuih lut.

Liverpool manager Jurgen Klopp chuan, "First half-ah khan kha aia ṭha zawka khel thei kha kan niin ka hria a, kan chet vel dan a dik tawk loh avangin Swansea tlarhnung tan dan chah kan awlsam em em a ni. Mahse, goal kan chhuah hnuah insiamṭhain chak duhna thinlung kan nei a, point thum hlawhchhuah kan phu a ni," a ti.

Reds midfielder Adam Lallana chu hliam vanga lakchhuah a ni a, Klopp chuan a player hi ni 16 bawr vel a chawlh a ngaih tur thu a sawi avangin Eng-land international hi October 8 leh 11-a World Cup Qualifier khelh hunah ram tan a inlan thei dawn lo.