Balotelli 86 min = Goal; 90+2 = Out

Italian striker Mario Balotelli-a'n minute 86-naah Nice tan chakna goal khung mah se injury time-ah hnawhchhuah a ni! Ligue 1 match-ah Ba-lotelli khelhna Nice hian Lorient an mikhual a, hun rei tak chhung 1-1 in an inhnehtawk.

Hun tawp nan minute li chiah a awm tawh tihin Balo a inlar a, a team tan goal mawi tak a pet lut a, 2-1 in hma an hruai. Liverpool duh loh striker hian a goal khung lawm nan a kawr a phelh a, yellow card pek a ni. Injury time-a Lorient defender Steven Moreira nen intibuaiin yellow card pahnihna a chawi a, hnawhchhuah a ni.

Kum 26-a upa striker hian tun season-ah league match thum khelin goal nga a khung tawh a, Ligue 1 table chung berah a team hi AS Monaco leh Paris Saint Germain te ban phak lohah a awmpui mek.