England squad-ah Lingard
Manchester United winger Jesse Lingard chu World Cup qua-lifier-a Malta leh Slovenia hma-chhawn turin England manager lailawk Gareth Southgate chuan a ko. Norway Under-21 laka hat-trick siamtu Marcus Rashford pawh squad-ah hian koh a ni a, kum 2014 World Cup hnua a vawi khat nan Stoke City defender Glen Johnson chu koh a ni bawk.
Kum 23-a upa Lingard hian tun season-ah United tan match li chiah khelin goal khat a khung tawh a, 2015 European Championship-a England Under 21 team-ah khan Southgate hian a lo enkawl tawh. Liverpool defender hlui Johnson hian ram tan match 54 khel tawhin khup hliam vanga thla sarih a chawlh hnuah tun season-ah league match thum chiah a la khel a ni.
Arsenal winger Alex Oxlade-Chamberlain pawhin kum khat hnuah kohna a dawng ve leh ta a, Harry Kane hliam vanga koh tura beisei Watford striker Troy Deeney chu koh loh langsar zinga mi a ni. Leicester midfielder Danny Drinkwater, Liverpool player pahnih Adam Lallana leh Nathaniel Clyne te chu hliam vangin koh an ni lo bawk.
England squad
Goalkeepers: Fraser Forster (Southampton), Joe Hart (Torino), Tom Heaton (Burnley)
Defenders: Ryan Bertrand (Southampton), Gary Cahill (Chelsea), Phil Jagielka (Everton), Glen Johnson (Stoke), Danny Rose (Tottenham), Chris Smalling (Manchester United), John Stones (Manchester City), Kyle Walker (Tottenham)
Midfielders: Eric Dier (Tottenham), Jordan Henderson (Liverpool), Alex Oxlade-Chamberlain (Arsenal), Michail Antonio (West Ham), Jesse Lingard (Manchester United), Raheem Sterling (Manchester City), Theo Walcott (Arsenal), Dele Alli (Tottenham)
Strikers: Wayne Rooney (Manchester United), Marcus Rashford (Manchester United), Daniel Sturridge (Liverpool), Jamie Vardy (Leicester).