Korea-ah Qiao Bin a champion

Chinese badminton star thar Qiao Bin chuan Son Wan-Ho hnehin Pathianni a khelh zawk tak Badminton World Federation Korea Open-ah a champion. Seeded pawh chang phak lo Bin hian seeded parukna South Korean veteran Son Wan-Ho hi 21-11, 21-23, 21-7 in a hneh.

Mipa doubles-ah South Korean star Lee Yong-Dae leh Yoo Yeon-Seong te ṭangdun chuan darkar khat leh minute 20 chhung zetin kar hmasa lawka Japan Open champion Li Junhui leh Liu Yuchen te chu 16-21, 22-20, 21-18 a hnehin an champion ve bawk.

Korean shuttler Lee hian nomawi an chawi hnuah international match a chawlhsan nghal a, kum 28-a upa Lee hian badmintion a khelh hun chhungin title 43 zet la tawhin Superseries badminton player-ah chuan Lee Chong Wei chiah tluk loh a nei.