AFC U16 champion Iraq

Iraq chuan an ram chanchina a vawi khat nan Asian Football Confederation Under 16 nomawi an chawi a, Pathianni khan Iran chu penalty chhawr ṭangkaiin 4-3 in an hneh. Jawaharlal Nehru Stadium, Goa-a inkhelah team pahnih hian minute 90 chhungin goal an khung thei lo ve ve a, extra time khel loin penalty shootout hmanga chak zawk zawn niin Iraq hi vannei zawkah an ṭang ta a ni.

Iraq hian inkhel ṭantir lamah chance an nei hmasa zawk a, semifinal-a Japan laka hattrick siamtu Mohammed Dawood chuan goal ruakah a pet goal lo a, second half-ah crossbar a pet per bawk. Iran-in hun
ṭha nei lo tawp an ni bik lo a, Moamel Kareem Khachi goal shot chuan goal ban perin a per lehlam chu substitute Ali Kareem Hani pet nghal mah se Iraq keeper Zadeh chuan ṭha takin a lo dang bawk.