April 17 aṭangin MPL U17

Mizoram Premier League Under 17 chu April 14, 2025 aṭangin RG Stadium, Mualpuiah khelh ṭan a ni dawn. Inelnaah hian team pariat an awm a, vawi khat ṭheuh an inkhelh kual hnuah a sang paliin semifinal an khel ang.

Inelna hmachhawn tur club-te chu Aizawl FC, Chanmari FC, Mizoram Police FC, SYS FC, Dinthar FC, Kanan FC, Kulikawn FC leh Saikhamkawn FC te an ni. MPLU17-ah hian MPL club-te an inel ṭhin a, tun season-ah erawh club pathum Ramhlun Athletic, FC Bethlehem leh Sihphir Venghlun te hrem an ni a, Chawnpui FC pawh an relegate hnuah an kal mumal loh avangin MPL Board chuan an aiawh tur team a thlang ta a ni.

MPL club-te tana kum bithliah inelna hi Mizo player ṭhahnem tak chher chhuaktu a ni.