Gyokeres-a'n goal a khung zel

Sporting Lisbon-in Thawhṭanni zan khan Sporting Clube de Braga an mikhual a, 1-1 in an inhnehtawk. Estádio José Alvalade-a inkhelah hian Viktor Gyokeres-a'n minute 15-naah mual neitu tan goal hmahruai a khung a, Braga-in minute 87-naah Afonso Patrao hmangin an sut.

Kum 26 mi Gyokeres hian tun season-a inelna hrang hrang match 44 aṭangin goal 44 a khung a, Primeira Liga-ah bik phei chuan match 27 aṭangin goal 31 a khung. Swedish striker hi nipui bazarah club lian hoin an inchuh ang.