Kohli a che ṭha, RCB an chak

Indian Premier League-ah Royal Challengers Bengaluru-in Thawhṭanni zan khan Mumbai Indians 12 runs-in an hneh. Wankhede Stadium-ah RCB-in 221/5 runs an siam a, Mumbai Indians-in 209/9 runs chauhin an chhanglet.

Mumbai-in vawm hmasak an thlang a, RCB opener Virat Kohli-a'n 42 runs lekah 67 runs an siam. Devdutt Padikkal (37) leh Rajat Patidar (64) ten Kohli an thlawp ṭha a, 221/5 runs an siam.

Mumbai Indians tan target a sang hret a, opener pahnih Rohit Sharma leh Ryan Rickelton ten 17 runs ve ve chauh an siam. Tilak Varma-a'n 56 runs siam ve bawk mah se over 20-ah 209/9 an tlin a, an tum ram an thleng zo lo.

Vawiin tlai dar 3:30 hian Kolkata Knight Riders leh Lucknow Super Giants te an inkhel dawn a, Punjab Kings leh Chennai Super Kings te zanin dar 7:30-ah an inkhel bawk ang.