Kerber chak niah Venus a liam nghal

China Open chu Thawhṭanni aṭang khan khelh ṭan a ni a, hmeichhe inelna lamah world number 1 Angelique Kerber chuan a match hmasa berah harsa lo taka hnehna a chan laiin Venus Williams erawh a tla nghal.

Seeded pakhatna Kerber hian Katerina Siniakova lakah 6-4, 6-4 in hnehna a chang a, WTA number 1 ni chunga season khar thei turin a dinhmun a sawh nghet chho zel. German nula hian kuminah Australian leh US Open nomawi chawiin Serena Williams-i'n hun rei tak chhung a lo ta neih tawh number 1 nihna chu a chhuhsak.

Kum 28-a upa Kerber chuan, "Ka khingpui khan a khel ṭha em em a, kan point en hi chuan awlsam taka chak ka ang a, mah se court chhungah kha chuan a harsa hle," tiin a sawi.

Beijing-a inkhel dangah Grand Slam vawi sarih cham-pion tawh Venus Wil-liams chu khawtual nula Peng Shuai-i'n 7-5, 6-1 in a barakhaih. Kum 30-a upa Peng hian US Open-ah semifinal a lo thleng tawh a, Chinese star zingah Li Na tih lohah chuan Grand Slam tournament-a thleng sang ber a ni.