Swansea-in Guidolin an ban A aiawh turin Bradley lalut

Premier League club Swansea City chuan tun season-ah beisei anga an chet ṭhat loh avangin coach Francesco Guidolin chu a hna aṭangin an chawlhtir a, a aiawh tur hian USA manager hlui Bob Bradley ruat a ni.

Kum 58-a upa Bradley hian USA bakah hian Egypt leh Norwegian club Stabaek pawh a lo enkawl tawh a, Swansea zawm tur hian a club enkawl lai French second division club Le Havre chu a chhuahsan. Swansea neitute hian club enkawl tura mi engemaw zat an dawr zingah Manchester United legend Ryan Giggs pawh a tel a, a tawpah erawh Bradley hi an ruat ta zawk.

Italian manager Gui-dolin hian January khan Swansea hi zawmin tlak hlauhawma awm hman club hi Premier League-ah a inhamtanpui. Beiseina sang tak nen season bul ṭan mah se Premier League match sarih an khelh tawhah vawi khat chiah hnehna changin vawi nga an tlawm a, vawi khat an khingpui an inhnehtawkpui a ni.

Monaco leh Parma coach hlui hian a bakcroom staff pathum Diego Bor-toluzzi, Gabrielle Am-brosetti leh Claudio Bor-don te chu a chhuahpui tel nghal bawk a, Bradley hian October 15-a Arsenal an hmachhawn tur chu a hna hmasa ber a ni ang.