Spain team-ah a vawi khat nan Herrera

Manchester United midfielder Ander Herrera chu Thiago Alacan-tara leh Saul Niguez inhliam vangin Spain coach Julen Lopetegui chuan Italy leh Albania hmachhawn tur squad-ah a vawi khat nan ram tana inlan turin a ko.

Kum 27-a upa Herrera hian age level-ah Spain Under-21 leh U-23 tan lo khel tawh mah se senior team tan erawh a la inlan ngai lo a, Spain Under 21 tana a khelh lai hian tuna Spain coach Lopetegui hi Spain U21 enkawltu a ni.

Herrera nena Manchester United tana khel Juan Mata chuan Old Trafford-ah hmun pawimawh chang chho leh mek mah se Spain squad-ah erawh a tan hmun a awm lo a, Lopetegui hian Spain a enkawl hnua a vawi hnih nan Chelsea midfielder Cesc Fabregas chu a ko lo bawk.

Premier League player pali Chelsea striker Diego Costa, Manchester United goalkeeper David de Gea leh Manchester City forward pahnih David Silva leh Nolito te chu koh zingah an tel.