Towell thihna vangin Evans a inthiam lo

Welsh boxer Dale Evans chuan a khingpui Mike Towell thihna avanga hrehawm a tih thu a sawi chhuak. Kum 25-a upa Towell hi Zirtawpni khan Evans nen hian inhnekin a inhliam a, a hliam vang hian damdawi inah hruai niin a hliam tuar loin a thi.

Kum 24-a upa Evans chuan, "Towell leh hrehawm taka awm mek a chhungte ka rilruah an awm reng a, he thihnaah hian mawhphurtuah ka inngai tlat a ni. Boxing chawlhsan hial ka rilruah a awm hman a, mah se tunah chuan Towell-a hriatreng nan British champion nih ka duh a ni," a ti.

Evans hian Towell hi first round-ah a hnek tlu a, mahse Scottish boxer hi tlawm duh loa tho lehin an inhnek chhunzawm. Evans hian round nganaah Towell hi a hnek tlu leh a, referee Victor Loughlin chuan inhnek hi titawp nghalin ring chhungah Towel hi oxygen nen enkawl nghal nimah se an chhan zo ta chuang lo a ni.