Lionel Messi aia Ronaldo ringtu Xavi

Barcelona legend Xavi chuan Ballon d´Or chawimawina dawng tur chuan Lionel Messi aiin Cristiano Ronaldo dinhmun a
ṭhat zawk thu a sawi a, Portugal captain chuan Euro 2016 leh Champions League nomawi a chawi avangin Ballon d´Or chawi-mawina dawn hi a phu a ni, a ti.

Xavi hian tun hnai lawk khan khawvel footballer-ah Messi aia ṭha an awm loh thu leh football hrethiam tawh phawt chuan Ronaldo aia Messi an dah san tur thu a lo sawi tawh a, Ronaldo hian ngeiawm takin Ballon d´Or chawimawina la dawng ve lo Xavi hi a Ballon d´Or dawn tawh zat a zawt let a ni.

Mahse, Spain international hlui chuan Ronaldo chhanletna hi thinrim phah nana hmang loin, "Cristiano hian Euro 2016 leh Champions League nomawi a chawi avangin Ballon d´Or dawn hi a phu a, mah se Messi a awm ve miau avangin awlsam taka dawn chi erawh a ni lo ang," tiin a sawi.