TT thiam ber Zhendong

World number 2 Fan Zhendong chuan a teammate Xu Xin chu 4-1 a hnehin 2016 Men's World Cup-ah a champion.

International Table Tennis Federation (ITTF) buatsaih Men's World Cup-ah hian player ṭha zual 20 an inlan a, kum 19-a upa Zhendong hian player langsar Singapore tlangval Gao Ning leh South Korea star Jeoung Young Sik te chu last 16 leh quarterfinal-ah a lo hneh tawh a, final-ah pawh hian harsatna nei loin 11-5, 11-6, 11-8, 7-11, 12-10 in hnehna a chang a - major tour-nament title a lak hmasak ber a ni nghe nghe.

Rio Olympic-a China squad-ah pawh an lo telh tawh Zhendong chuan, "Senior level-a ka title hmasa ber ka lak avangin ka lawm a, ka tum chu number 1 nih a ni. World champion leh Olympic champion ni ngei tumin theihtawp ka chhuah zui ang," tiin a sawi.