Dampuia - Goal 5

Chanmari West captain Laldampuia Tochhawng-in MPL5-ah goal nga khung tawhin a la khung tam ber. Kawrtethawveng tlangval hian Ramhlun North leh Chanmari FC lamah match zawnin goal hnih ve ve a khung a, West Warrior chakpui ve vein man of the match-ah thlan a ni ve ve bawk.

Champhaiah pawh Dampuia hi player langsar tura rin a ni a, Chanmari West winger hian khawvel winger larte angin jersey 11 hain mual vei lamah a hmuhnawm ṭhin hle. Chhangphut Field-ah pawh en bik a hlawh pawhin a sual lo ang. Chanmari West winger pakhat zawk R. Laldanmawia hi MPL hmasa ber best player kha a ni a, Double D hi MPL5 tihmuhnawmtu an ni.

Chhinga Veng forward Lalkhawpuimawia'n (Ma-puia) goal thum a khung tawh bawk a, Kel-kang tlangval hi Lammualah hmelhriat a hlawh hmain Chhangphut Field-ah chuan a lar viau tawh. Mapuia inkhel en turin Kelkang khaw mipuiin Champhai an pan dawn!

goal khat aia tam khung theite

Hming Club Goal

Laldampuia Chanmari West FC 5

Lalkhawpuimawia Chhinga Veng FC 3

Lalrammuanpuia (Apuia) Bethlehem VT FC 3

Malsawmfela Chanmari FC 3

R. Laldanmawia Chanmari West FC 3

Bright Middleton Mends Aizawl FC 2

H. Lalhlimpuia Bethlehem VT FC 2

Lalramchullova Aizawl FC 2

Michael Lalremruata Dinthar FC 2

Zosangliana Sailo (Chhaia) Ramhlun North FC 2