Atletico-ah Gabi a nghet

Atletico Madrid club president Enrique Cerezo chuan captain Gabi chuan Vicente Cal-deron Stadium-ah cham chhunzawm zel turin contract thar a ziah thu a sawi a, a contract rei zawng erawh an tarlang lo thung.

Kum 33-a upa mid-fielder hian June, 2017 thleng Atletico-ah hian con-tract a nei sa a, contract thar a ziah takah chuan season khat dang tal Madrid khaw club-ah hian a cham dawn tih a chiang ta a ni.

Enrique Cerezo chuan, "Gabi nen hian he club tana a khelh chhunzawm zel theih nan inremna kan siam tawh a ni," tiin a sawi a, Gabi pawhin, "Inremna kan siam tawh a, Atletico-a cham zel tura thutlukna siam hi thil harsa a nih loh avangin he club hian an hnena awm tura min duh chhung chu an tan ka khel zel ang," a ti.

Atletico sporting di-rec-tor Jose Luis Cami-nero pawhin, "Gabi hian a duh phawt chuan he club-ah hian a duh chen chen a cham thei tih a inhria a ni," tiin a sawi ve bawk.