Match thumah goal thum

Bethlehem Veng-thlang forward Lalrammuanpuia'n (Apuia) match hnuhnung pathum-ah goal khat ṭheuh a khung a, an khingpui hneh vekin ṭum hnih man of the match a thlan a ni.

Armed Veng South tlangval Apuia hian 2015 NECS Cup-ah an veng tan khelin top scorer a lo ni tawh a, Lalbiaksanga Colney hnuaia BVT chetṭhatna kawngah player pawimawh a ni. MPL history-ah K. Lalṭhathanga (MPL4), F. Lalrinpuia (MPL3) leh MS Dawngliana (MPL1) ten match li chhung a zawn zatin goal an lo khung tawh.

India striker Jeje Lal-pek-hlua anga jersey no. 12 hatu Apuia hian record siam tur chuan Chhangphut Field-ah goal a khung a ṭul dawn tihna a ni.