F1 driver ropui Moss a thi
British motor racing legend Sir Stirling Moss chu hun rei tak a damloh hnuah Pathianni zan khan a thi a, kum 90 mi a ni.
Moss hian car intlansiakna sang berah hian nomawi a chawi lo. Amaherawhchu, mi hriat hlawh leh ṭan rawn a ni a, driver ropui an sawi changin a hming an lam fo.
Kum 2018 aṭang khan damlohna vangin mipui zingah a awm tawh lo. December 2016 khan Singapore-ah chawlh hmangin a zin a, hemi hnu hian a awmah na neiin ni 134 chhung chu damdawi inah enkawl a ni.
Moss-a nupui Lady Moss chuan, "A tawpna atan a a maimitchhing fel ta," a ti. 1996 F1 champion Damon Hill chuan, "British driver dang zawng zawngte tana sulsutu pawimawh kan chan," tiin a sawi ve bawk.
F1 driver a nih laiin Moss hian intlansiak vawi 66 a hmachhawn a, heng zinga 16-ah hnehna a chang. British driver zingah anmahni ram ngeia hnehna chang thei hmasa ber ni turin 1955 khan Aintree-ah hnehna hlado a lo chham tawh a ni.
Car intlansiakna sang berah hian vawi li ngawt mai pahnihna dinhmun a luah, a sang bera awm turin a vannei tawk lo. 1961 khan BBC Sports Personality of the Year atan thlan a ni a, 2000 khan Sir nihna pek a ni bawk.