Scolari-a'n Asia lam a hawi?
Brazil team pawh enkawl tawhtu Luiz Felipe Scolari chu tunah hian hna nei loin a awm mek. Xinhua tarlan dan chuan Scolari hian Asia khawmualpui lamah hna thawh a rilruk niin an sawi.
ṭ
Kum 71 mi Scolari hian nikum khan Palmeiras chu Brazilian Serie A nomawi a chawipui a, hlawhtlinna an chan aṭanga thla kua a liam leh meuh chuan an ban leh lawi si - September thla aṭang khan team enkawl a nei lo.
Manager tawnhriat ngah tak Scolari chuan, "Middle East aṭangin min betu club pathum vel an awm, tunah thutlukna ka la siam lo. Ni 20 vel a liam leh chuan khawi hmunah nge ka kal dawn tih a chiang ang," a ti.
World Cup 2002-ah khan Scolari hian an ram chu hlawhtlinna a chanpui, ram hrang hrang pangaah team enkawl hna thawk tawhin Brazil bakah Portugal pawh a lo kaihruai tawh.
Club a enkawl zingah chuan Guangzhou Evergrande kha a hlawhtlinpui bera ngaih a ni. Kum 2015 June aṭanga 2017 November chhung khan a zawnin Chinese Super League title vawi thum a lak pui bakah Asian Champions League nomawi an chawi bawk.