Messi leh Ronaldo ka la tluk lo - Griezmann

Atletico Madrid star Antoine Griezmann chuan Lionel Messi emaw Cristiano Ronaldo emaw anga ṭha a la nih loh thu leh anni thlen chin thleng tur chuan nomawi chawi a mamawh thu a sawi chhuak.

Kum 25-a upa Griezmann hian season hmasa khan Atletico tan inelna hrang hrangah goal 32 khungin La Liga-ah pathumna an ni a, Champions League final khel mah se Real Madrid an hneh lo thung.

Euro 2016-ah khan France chu final hruai thleng lehin Portugal lakah an vanduai. Mahse, Europe inelna lianah khan goal ruk khungin Golden Boot a dawng a, Best Pla-yer atan thlan a ni bawk.

Ballon d'Or dawng tura chhawp chhuah zinga mi Griezmann chuan, "Leo leh Ronaldo te anga ṭha nih ka duh thu ka lo sawi tawh ṭhin. Tunah erawh anni pahnih hi ka la tluk lo, a chhan chu anni chuan an club tan nomawi tam tak an chawi a ni," tiin a sawi.

Tunah chuan Griezmann hi 2018 FIFA World Cup qualifiers-a Bulgaria leh Netherlands hmachhaawn tur France squad-ah koh a ni a, coach Didier Deschamps-a'n a chunga rinna a nghah ngamna chu tih thlawn loh a tum thu a sawi tel bawk.