Sanchez faktu Koscielny

Arsenal defender Laurent Koscielny chuan a teammate Alexis Sanchez chu tun dinhmuah chuan an khingpuite tana dan ngaihna awm lo khawpa a khelh ṭhat tluan thu a sawi.

Gunners tan an striker palian Olivier Giroud chu ke zungṭang na vang-in duhthusamin a la chhawr tlak loh a, France international awm loh hlan hian Chile international Sanchez chu tlarhma laiah khelhtir niin a aiaa awh zo rih hle.

Kum 27-a upa San-chez hian tun season-ah a club tan match kua khel tawhin goal nga a khung tawh bakah a
ṭhiante goal khung tur
ṭum nga a siamsak tawh.

Koscielny chuan, "Tun dinhmunah chuan Alexis Sanchez hi player dang zawng zawng chunga leng khawpin a khel ṭha tluang mek a, tu tan pawh nek chhuah a harsa hle ang," a ti. France international hian ram tana a khelh pui ṭhin Giroud tan starting XI chang tur chuan thawhrim a ngaih tawh tur thu a sawi zui bawk.